श्याम थापा

नवलपरासी १२ बैषाख

कोभिड १९ कोरोना भाइरसको उच्च जोखिम न्यूनीकरण गर्नका लागि विभिन्न स्थानीय तहले बिपद प्रकोप ब्यवस्थापन कोष संचालनमा ल्याएको छ । यसै बिच पश्चिम नवलपरासीको पाल्हीनन्दन गाउँपालिकाले संचालनमा ल्याएको बिपद प्रकोप व्यवस्थापन कोषमा बिजय लघुबित बित्तीय संस्था शाखा कार्यालय बेलासपुरले आर्थिक सहयोग गरेको छ ।

कोरोना भाइरसको जोखिम न्यूनीकरण गर्नका लागि पाल्हीनन्दन गाउँपालिकाले गर्दै आएको कार्यलाई थप मदत पुर्याउनको लागि बिजय लघुबित बित्तीय संस्था शाखा कार्यालय बेलासपुरले आर्थिक रकम स्वरुप १० हजार सहयोग गरेको हो ।

पाल्हीनन्दन गाउँपालिकाको कार्यालयमा गएर संस्थाका शाखा प्रमुख बिजय बोगटी क्षेत्रीले पालिकाको अध्यक्ष बैजु प्रसाद गुप्ता (दिपक) लाई १० हजारको चेक हस्तान्तरण गरेका हुन ।

बित्तीय संस्था र संस्थाका सम्पूर्ण कर्मचारी परिवारलाई धन्यवाद दिदै अगामी दिनमा पनि यसरी सहयोग रहने पालिका अध्यक्ष गुप्ताले आशा व्यक्त गरेका छन । बिजय लघुवित वित्तीय संस्थाले पाल्हीनन्दन गाउँपालिकाको बेलासपुरमा रहेर समुदायमा समूह बनाई आर्थिक कारोबार गर्दै सेवा प्रदान गर्दै आइरहेको छ ।