श्याम थापा

सुस्ता १३ जेठ

पश्चिम नवलपरासीमा केरा उत्पादन संघ नवलपरासीले केरा किसानहरुको मध्यनजर गर्दै केरा उत्पादन तथा व्यवस्थापन सम्बन्धी तालिम संचालन गरेको छ ।

नवलपरासी केरा उत्पादक संघले जिल्लाका केरा किसानहरुलाई दक्ष भारतीय प्रशिक्षकद्धारा बढि केरा उत्पादन र सोको व्यवस्थापनका विषयमा तालिम प्रदान गरेको हो ।

तालिम संघका अध्यक्ष लख्खु प्रसाद यादवको अध्यक्षता, सुस्ता गाउँपालिका अध्यक्ष टेक नारायण उपाध्यायको प्रमुख आतिथ्यतामा उक्त दुई दिने तालिम शनिबार देखि सुस्ता गाउँपालिका वार्ड न ५ पक्लिहवामा संचालन भइरहेको छ ।

तालिमको उद्दघाटन कार्यक्रमलाई सम्बोधन गर्दै संघका अध्यक्ष यादवले हाम्रो केरा किसानले केरा उत्पादन गर्नका लागि अत्याधिक रूपमामा बढी लागत लगाउने र ती बढी लगानीलाई कसरी कम गर्ने र किसानहरुलाई केरा खेतीमा थप आकर्षित गराउने उद्देश्यले भारतको महराष्ट कोल्हापुरका केरा विषका विज्ञ सुधाकर दमामे,अमित कुमार सिंह र राजकुमार खिरुगडेले तालिममा प्रशिक्षण गरिरहेका छन् ।

तालिममा सुस्ता ५ का करिब ९० जना केरा किसानहरुको सहभागिता रहेको छ भने तालिममा सहभागीहरुले भारतको केरा विशेषज्ञ द्वारा तालिम पाउदा केरा किसानहरु एकदमै हर्षित भएका छन् ।